वाटा करियरच्या (भाग ३)
करियरच्या वेगळ्या वाटा (भाग ३) (पूर्वार्ध) घड्याळाच्या काट्याशी बरोबरी करत हुशारराव माझ्या केबिन मध्ये आले. भविष्यात कोणत्या क्षेत्राला मागणी असेल, कोणती सर्टिफिकेट मिळवणे गरजेचे असेल या बद्दल चर्चा सुरु झाली. हुशाररावांशी ही चर्चा चालू असतानाच आमच्या तन्वी मॅडम एका स्पेनच्या पाहुणीला ऑफिस मध्ये घेऊन आल्या. 'सारा' ही अर्ध जग फिरून आलेली इंटरनॅशनल बिसनेस सांभाळणारी होती. आत आल्या आल्या " ओला ! कोमो एसतास अस्ते SS " अशी गोड विचारणा केली. वर्ल्ड ट्रेड सेण्टरला असलेल्या कार्यक्रमात जेंव्हा साराला आमच्या उपक्रमाबद्दल कळाले तेंव्हा ती भेटायला आली. आमचा चहा पानाचा कार्यक्रम चालू असतानाच हुशाररावांनी पुन्हा तोंड उघडले ते सारा वर प्रश्नांची सरबत्ती करत. ' जर्मन, जपानी किंवा फ्रेंच या सारख्या भाषा असताना स्पॅनिश भाषेला काही स्कोप आहे का हे बघण्यासाठी हुशारराव उत्सुक होतें. त्यांना मिळालेली माहिती साधारण अशी होती की, स्पॅनिश ही यु एस मधली महत्त्वाची भाषा असून 'युनायटेड नेशन्सची' अधिकृत (ऑफिशिअल) भाषा आहे. दक्षिण अमेरिका, युरोप या सह संपूर्ण...
